SALATIGA,-Dina iki, Sabtu (20/7/24) ana ing dalan Lingkar Salatiga, Jawa Tengah, bus wisata Blue Star Kobongan nganti awak bis kobong kabeh. Kedadean kuwi diwiwiti nalika bis sing plat nomere H 7688 OC kuwi mau bar metu saka bengkel amarga AC lan mesine rusak.
Ananging, nalika wis dadi lan bis kuwi mau nyebrang dalan lingkar Salatiga, bis kebacut ngetokake keluk sing ireng dibarengi kembang api saka njero kap mobil. “Kobongan saka mesin buri, aku nyoba mateni nanging ora isa,” ujar sopir bis Joko Purwanato ing lokasi.
Kebakaran kuwi diduga amarga konslet kelistrikane. Wedi geni saya gedhe, Joko lan kanca-kancane kuwi langsung nylametke awake dhewe-dhewe.
Petugas Pemadam Kebakaran karo rong mobil sing wis teka lokasi langsung nyoba mateni geni, nanging kabeh awak bis wis kobong kabeh.
Polisi sing uga teka ning panggonan kedadeyan langsung nindakake penyidikan TKP kanggo nyelidhiki kanti persis kedadeyan kasebut. Liyane kuwi, Polisi uga nerapke kontra flow amarga dalan saknalika macet lantaran kedadeyan bis kobong.
Untunge, bis sing kobongan kuwi mau ora gawa penumpang dadi ora ana korban. Sopir lan kancane, kaya mekanik isa nylametke awake dhewe-dhewe.
