Kridhabasa.com,- Pemerintah ing taun 2025 dikabarke arep ngunggahke rega rokok. Sri Mulyani Indrawati kanthi resmi netapake munggahe rega rokok eceran kanthi katulis ana ing Peraturan Menteri Keuangan (PMK) Nomor 97 Tahun 2024 sing diteken tanggal 24 Desember 2024 wingi.
Sanajan pemerintah ora ngunggahake tariff Hasil Tembakau ananging rega adol eceran meh kabeh produk bakau diunggahke mulai 1 Januari 2025.
Nanggepi PMK 97/2024, Kepala Pusat Industri Perdagangan lan Investasi Institute for Development of Economics and Finance (INDEF), Andri Satrio Nugroho duweni pandangan isih ana ganjelan munggahe rega HJE. Miturut Kemnkue kuwi mau salah sijine dorongan kanggo menui pilar pengendhalian sing dianggep win win solution.
“Alasan kontrol kanggo ngunggahake HJE, ananging ganggu pilar liyane, yaiku pilar ngontrol rokok illegal. Kanthi nambah HJE, rega rokok bakal terus mundhak,” omonge,kaya sing dilansir teka liputan6.com, Minggu (15/12/24)
Miturut Andri, kanthi bedane sing cukup akeh antarane rokok legal karo illegal, banjur luwih nyemangati masyarakat ngonsumsi rokok illegal amarga sakiki rokok illegal wis massif.
Rokok illegal kuwi mau, miturut Andri nyebabake kebocoran penerimaan negara amarga ora kena cukai, ananging uga luput saka pajak pertambahan nilai (PPN) sing marahi menehi dampak negative marang penerima negara, ngelingi cukai rokok kuwi duweni kontribusi gedhe bebarengan karo penerima PPN lan Pajak Penghasilan (PPh).
Malah akibete, Andri Satrio pesimis target penerima CHT taun 2025 gedhene Rp. 230,09 triliun, kaya sing dikandhakake ana Peraturan Presiden (Perpres) Nomor 201/2024 babagan Rincian APBN 2025, kemungkinan angel digayuh, amarga masyarakat pindhah saka rokok legal ning rokok illegal sek luwi murah regane.
“Mesthi negara kelangan penerimaan ora gur saka cukai, ananging saka PPN. Dadi pemerintah kudu cepet-cepet duweni upaya sing ekstra. Yen ora mesthi besok kebocoran gegandhengan karo penerimaan negara kuwi mesthi ora isa teratasi,” terange.
Andri nerusake, industry hasil tembakau duweni daya tarik marang perekonomian ing macem-macem wilayah. Ketergantungan saka industri kuwi iso ganggu perekonomian wilayah nalika industri rokok oleh tekanan, salah sijine medhune permintaan amargo sirkulasi rokok illegal.
“Kajaba kuwi, akibate nalika akeh sirkulasi rokok illegal uga nyebabake tambahe pengangguran ing tengah situasi sing ora apik wektu iki,” ujare.
Malah nalika dhisik ana wacana pemerintah sing jarene ora bener ngunggahake rega rokok Rp. 50.000 per bungkuse dadi wacana sing direalisasikan.
Andry ngarep-arep pemerintah ngaca keadhaan iki lan ora serta merta kanthi ngunggahake rega HJE pilar pengendhalian bakal kegayuh, ananging malah sing kedadeyane malah subure rokok illegal sing pating sliwer. Amarga PMK 97/2024 wis kadhung metu, gelem ora gelem kpemerintah kudu perlu jaga ben konsumsi ora pindhah ing rokok illegal.
Andry malah mengapresiasi Kemenkue ora ngunggahake CHT taun ngarep.Amarga kanthi ngunggahake CHT isa ngakibatake ora isa gayuh penerimaan sing ditargetake kaya taun-taun sakdurunge.*
