JAKARTA,- Usman Kansong mundur saka jabatane Direktur Jenderal Informasi lan Komunikasi Publik (Dirjen IKP). Dheweke bantah mundure kuwi lantaran amarga ana tekanan politik saka pihak jaba.
“Ora ana tekanan saka jaba, iki pengenku dhewe,” omonge Usman nalika Komfrensi Pers ana kantore, Rabu (14/8/24).
Usman ngakoni, sak durunge uwis ngomongke mundure dheweke karo Menteri Kominfo Budi Arie Setiadi, Wakil Menteri Kominfo Nezar Patria, dan Sekretaris Jenderal (Sekjen) Kominfo, Mira Tayyiba masalah mundure saka jabatan Dirjen IKP.
Dheweke ngungkapake menawa mundhure kuwi amarga sifate personal lan dudu masalah politik. “Dadi apa lah, aku iki sak jeroning ati iki isin yen dijelasake ning kene. Mengko wae. Iki ana hal sing sifate privat ana jero awakku dhewe,” tambahe.
Liyane kuwi, Usman uga bantah kaitane karo kasuse Johnny G Plate masalah korupsi pengadaan BTS 4G. “Upama yen kaya ngono kan aku saka taun 2022,2023 wis dadi tersangka. Ning kan nyatane ora. Dadi tesis kuwi batal saka hokum,” ujare.Usman mundur saka jabatane kuwi amarga wus tugas 3 taun 4 dina. “Merga kuwi aku mundur saka posisi Dirjen IKP Kementerian Kominfo per 13 Agustus,” terange.
Ananging, sakbanjure, Usman tetep jaluk marang insan pers tetep duweni sikap kritis nalika tugas sing disampekke nalika kuwi.”Kritis kuwi DNA-ne pers. Tetepa kritis kanggo ngawal lan negakake demokrasi lan tak kira kabeh kuwi ora perlu wedi,” teruse.
Usman uga ngelingake kritik saka pers kuwi ora dianggep ancaman, ananging dadi peluang kanggo nglakokake perbaikan diri, institusi lan demokrasi ing Indonesia.”Ojo ngasi dhengkule dhewe banjur kedher amarga kritikane pers. Awake dhewe kudu jawab kritik pers kuwi kanthi perbaikan-perbaikan,” pesene.
Sak wise mundur saka jabatan, Usman duwe rencana bali ning jurnalisme lan kepenulisan. Wektu iki Usman isih nunggu penerbitan bukune lan ngebarke nulis novel.”Tulung tukunen royaltiku ya meh tak sumbangake ing keluargaku,” pungkase Usman karo nglucu.
