JAKARTA,- Secara geografis panggonan Kraton Kediri ana ing tlatah jawa Wetan, pase ing ibu kutha Daha (Dahanapura) sing sakiki dadi kutha Kediri, kidule Kali Brantas. Pusat kerajaane ana ing pinggir kali Brantas. Wektu kuwi wis dadi dalan transportasi banyu sing rame.
Kraton Kediri wiwitane kalebu wilayah panguasane Kraton Mataram Kuno. Ananging, wektu jamane Raja Airlangga, kraton Mataram kuno dipecah dadi rong wilayah. Dheweke mrintahake Brahmana sing sakti mandraguna jenenge Mpu Bharada kanggo mbagi kraton Mataram Kuno.
Pembagian wilayah sing ditindakake dening Airlangga amarga anake loro padha rebutan tahta kerajaan. Anake loro kuwi mau jenenge Sri Samarawijaya lan Mapanji Garasakan. Pungkasane, Mapanji Garasakan entuk kerajaan wetan yaiku Jenggala, sing kalebu wilayah Surabaya, Malang, Pasuruan lan Kali Brantas (Pelabuhan Rembang). Dene Sri Samarawijaya entuk kraton Kulon yaiku, Panjalu, Ibukuthane Daha, karo wilayah Madiun lan Kediri.
Sing Ngedekake Kerajaan Kediri
Ora ana sumber sing pesthi sapa pendhiri Kediri iki, amarga wiwitane kraton iki bagian saka Kraton Mataram Kuna sakdurunge dibagi rong wilayah nalika jamane Raja Airlangga. Ananging sakwise diddum dadi rong panggonan penguasaan , kraton iki diwenehake marang anak raja Airlangga sing sesebut Sri Samarawijaya sing kasebut ana ing prasasti Pamwatan taun 1042 M.
Raja-Raja Kraton Kediri
Dadi salah sawijining Kraton sing gedhe ana ing Nuswantara, Kraton Kediri dipimpin raja-raja. Saka wiwitan ngadege kraton iki ngasi ing jaman keruntuhan, kraton Panjalu wis dipimpin luwih saka 8 uwong ratu yaiku :
- Sri Jaswarsa
Dadi raja sing kaping pisan sak wise kraton iki didegake. Sejarah masa kepemimpinan Sriwijaya kuwi iso didelok saka anane prasasti Sirah Keting taun 1104 M.
Ana sak jeroning tulisan prasasti kuwi disebutake menawa nalika kepemimpinane, Sri Jaswarsa kuwi deheweke banget prihatin marang rakyate lan ngusahakake ningkatake kesejahteraan rakyat ing wilayahe.
Raja kerep menehi hadiah marang rakyat desa minangka penghargaan amarga wus duweni jasa marang rajane. Ana ing prasasti iku uga dijelaske Sri Jayawarsa nyebutake dheweke titisane Wisnu.
- Sri Bameswara
Raja kaping pindho sing mimpin tahta kraton Kediri sing nduweni jejuluk Sri Maharajarake Sirikan Shri Bameswara Sakalabhuwanatushtikarana Sarwwaniwaryyawiryya Parakrama Digjayottunggadewa.
Nalika memerintah saka taun 1115 M nganti 1130 M, Sri Bameswara akeh gawe prasasti-prasasti sing nyritakake sistem pemerintahan lan keagamaan.
- Prabu Jayabaya
Sakwise Sri Bameswara, dialih jupuk Prabu Jayabaya kanthi jejuluk Shri Maharaja Shri Kroncarryadipa Handabhuwanapalaka Parakramanindita Digjayotunggadewanama Shri Gandra kang mimpin saka taun 1130 nganti 1157 M.
Wektu kuwi kraton Kediri ing masa kejayaane sing dibuktekake kanthi ditemokake prasasti Ngantang taun 1135 lan kakawin bharatayuddha tahun 1157.
Prasasti kuwi nyritakake menawa Jayabaya duweni strategi politik sing ngagumake kanggo gawe rakyate dadi makmur. Makane Jayabaya isa ngambakake wilayah kekuasaan kratone. Raja Jayabaya uga duweni sifat merakyat lan duweni visi misi sing apik kanggo kerajaan.
- Sri Sarweswara
Nalika taun 1158 tahta kerajaan Panjalu dicekel marang Sri Saraswera sing taat marang agama. Prasasti Pandelegan II taun 1159 lan Prasasti Kahyunan tahun 1161 jelasake menawa Raja Sri Sarweswara taat marang agama lan jaga adat istiadhat lan budaya sing ana wektu kuwi.
Kajaba kuwi, Sri Sarweswara uga duweni prinsip sing terkenal ana jamane sing kaitane karo pandelenge marang uripe manungsa. Prinsip kuwi yaiku manungsa duweni tujuan akhir moksa, yaiku pemanunggalan jiwatma lan pramatma (dalan sing bener sing duweni tujuan akhir go manunggal). Yen ora, dalane dudu dalan bener.
- Sri Aryeswara
Dadi raja Kediri kaping 5 kanthi jejuluk Abhisekanya Sri Maharaja Rake Hino Sri Aryeswara Madhusudanawatara Arijamuka sing memerintah Kraton Panjalu saka taun .1171 sing dibuktekake saka ditemokne prasasti Angin tanggal 23 Maret 1171 M. Patung Ganesha nglambangake saka raja Sri Aryeswara sing terkenal nganti sakiki.
- Sri Gandra
Sumber saka prasasti Jaring taun 1181, iso ditemokke menawa wektu kuwi pemerintahan kerajaan dicekel marang Raja Sri Gandra. Wektu pemerintahane kuwi, raja gunakake istilah jeneng kewan kanggo menehi gelar pangkat marang uwong sing bantu urusan kerajaan. Jeneng kewan kuwi mau menehi tenger menawa dhuwur endheke jabatan utawa pangkay saka abdi kerajaan. Jeneng kewan sing dienggo kaya ta gajah, Tikus, Kebo.
- Sri Kameswara
Dadi raja kaping 7 Raja Panjalu sing memerintah Kraton Kediri taun 1182 nganti 1185. Nalika dadi raja, seri sastra berkembang kanthi cepet. Akeh kitab-kitab sing digawe wektu kuwi, sing salah sijine kitab Smaradhana sing digawe marang Mpu Dharmajaya.
- Sri Kertajaya
Dadi raja kaping 8 lan uga raja pungkasan sing memerintah saka taun 1190 nganti 1222 M. Sri Kertajaya duwe julukan Dandan Gendis. Eleke dheweke ora isa jaga harmoni lan kesetabilan system pamarintahan, amarga padu karo kaum Brahmana. Iku sing jalari runtuhe kerajaan Panjalu.
Kejayaan Kraton Kediri
Kejayaan Kraton Kediri nalika dipimpin raja katelu yaiku Prabu Jayabaya sing isa ngambakke wilayah kekuasaane lan meh dhaerah pulau Jawa nganti mlebu wilayah Sumatera. Sakliyane kuwi panggonan sing ana ngisore Gunung Kelud, nyebabake wilayahe duweni lemah sing subur sing isa ditanduri tanduran macem-macem.
Saka asil tetanen lan kebun jaman kuwi akeh banget lan uga ana panggonan kali Brantas sing dadi panggonan golek iwak. Mula ora gumun yen rakyate makmur lan sumber panganan kecukupan kanthi apik.
Kahanan kuwi mau dibuktekake anane cathetan saka Kronik Cina sing jelasake menawa Kraton Kediri kuwi Negeri sing paling sugih nalika masa kekuasaane Raja Sri Jayabaya.
Sakliyane Jayabaya, wektu kepemimpinan Sri Kameswara uga berkembang pesat ing babagan kasusastran kanthi dibuktekake akehe kitab-kitab sing digawe kraton kasebut.
Sosial Budaya Kerajaan Kediri
Ing sakjeroning kitab Lubdaka lan buku Chou ju-kua, ana ing sakjeroning kitab Lubdaka jelasake menawa kehidhupan social budaya masyarakat kerajaan kanthi teratur. Sak liyane kuwi, kitab iku uga nyebutake menawa penentuan martabat dibijeni dudu saka pangkat lan donya sing diduweni, ananging dinilai kanthi dhasar moral lan tingkah laku saka wong kuwi mau.
Sumber liyane uga jelasake menawa sosial masyarakat ing wilayah Kraton Kediri wus ketata kanthi becik. Saka nganggo klambine wae wus nganggo kain nganti ing ngisore dhengkul kanthi rambut sing diore. Panggonane uga wis resik lan rapi lan pendhudhuke uga wus ngenal dhuwit sing adale saka bahan campuran tambaga lan perak.
Kehidupan Beragama Kraton Kediri
Yen dideleng saka wewangunan, reca, prasasti lan karya sastra Jawa Kuna tinggalane Kraton Panjalu, bisa dideleng yen gaya urip religius masyarakat lan karajan ngugemi agama Hindu mligine Siwa kang dewakake dewa Wisnu. Ditemokake candhi kayata Candhi Gurah lan Tondo Wongso sing dadi bukti menawa aliran Wisnuisme berkembang wektu kuwi.
Ana uga filosofi sing misuwur ing tanah Jawa sing nganggep menawa Prabu Saa lan Dewa Wisnu minangka pelindung rakyat. Sahingga isa disimpulake menawa ing jaman semana agama Hindhu utamane para pemuja Dewa Siwa nguwasani majune agami ing karajaan.
Runtue Kerajaan Kediri
Penyebab ambruke Kraton Kediri nalika rajane Raja Kertajaya amarga ana pertentangan Raja karo kaum tertua Brahmana. Kaum Brahmana kuwi nganggep raja wus nglanggar aturan agama lan meksa nyembah marang raja kaya Dewa.
Akhire Kaum Brahmana jaluk pitulungan marang Ken Arok mimpin dhaerah Tumapel lan pisah saka Kraton Panjalu. Taun 1222 M akhire Ken Arok kasil ngalahake Raja Kertajaya lan ngrebut kerajaan nalika peperangan. Ananging kahanan kuwi urung dadi akhir Kerajaan Panjalu. Kraton kuwi sak wayah-wayah isa ngadeg maneh ingkendhaline Raja Jayakatwang.
Pemerintahan Jayakatwang ora isa tahan suwe amarga wus diserang marang tentara Mongol lan pasukan Raden wijaya sing asale saka Singosari.
Tinggalane Kraton Kediri
Sumber sejarah nyebutake ana peninggalan kerajaan Kediri yaiku :
- Prasasti Banjaran tahun 1052 M sing isine kemenangan kerajaan Panjalu marang Jenggala.
- Prasasti Hantang tahun 1052 M yang nyritakake kerajaan Panjalu nalika pemerintahan Jayabaya.
- Prasasti Sitah Keting tahun 1104 M jelasake pawehan hadiah lemah marang rakyat ing desa marang Jayawarsa.
- Prasasti Ngantang tahun 1135 M sing nritakake Raja Jayabaya sing menehi hadiah marang rakyat desa Ngantang kanthi plot lemah sing bebas pajek.
- Prasasti Jaring tahun 1181 M jelasake penggunaane istilah jeneng kewan kanggo menehi pangkat para pejabat kerajaan.
- Prasasti Kamulan tahun 1194 M ngisahake masa pemerintahan kertajaya, nalika Kediri isa mengalahkan musuh sing musuhi istana Katang – katang.
- Prasasti sing ditemokake ing dhaerah Tulungagung lan Kertosono isine masalah keagaman masa kepemimpinan Raja Bameswara.
- Prasasti Panumbangan tahun 1120 M isine permohonan penduduk desa Panumbangan ben piagame sing ditulis ana ing godhong lontar ditulis ulang ing watu.
- Prasasti Talan tahun 1058 Saka
- Prasasti Galunggung
Kerajaan iki uga ninggalake kitab warisannya, sing arupa :
- Kitab Smaradahana Karya Mpu Dharmaja
- Kitab Bharatayudha Karya Mpu Sedah dan Mpu Panuluh
- Kitab Arjuna Wiwaha Karya Mpu Kanwa
- Kitab Krisnaya Karya Mpu Triguna
- Kitab Mahabarata Karya Resi Wiyasa
- Kitab GatutKacasraya Karya Mpu Panuluh
- Kitab Hariwangsa Karya Mpu Panuluh
- Kitab Lubdaka lan Kitab Warasancaya Karya Mpu Tan Akung
Liyane prasasti lan kitab uga ana bangunan candi sing dibangun masa kerajaan Panjalu, candi kuwi yaiku :
- Candi Tondowongso, ditemokake ing Desa Gayam, Kec. Gurah, Kediri – Jawa Timur pada tahun 2007.
- Candi Penataran, ditemokake ing daerah lereng Gunung Kelud bagian Barat Daya, pase ing sisih lor Kutha Blitar.
- Candi Gurah, ditemokake ing Kec. Gurah, Kediri Jawa Timur.
- Candi Miri Gambar, ditemokake ing lapangan desa Mirigambar, Kec. Sumbergempol, Tulungagung, Jawa Timur.
- Candi Tuban, ditemokake ora adoh saka panggonane candi Mirigambar, kira-kira 500 m.
