JAWA,-Galuh iku sawijining kerajaan gaya Hindhu ing Indonesia, sing wilayahe dumunung ing antarane Kali Citarum ing sisih kulon lan kali Cisarayi (Serayu) lan Cipamali (Kali Brebes) ing sisih wetan. Kraton iki minangka penerus kerajaan kendan, bawahan Tarumanegara.
Ana ing naskah kuno Sejarah Karajaan Galuh ana Carita Parahiyangan, naskah basa Sunda sing ditulis ing awal abad kaping 16. Ceritane, diwiwiti nalika Rahiyangta ri Medangjati dadi raja sage suwene 15 taun. Banjur kasekten kuwi diturunake menyang anake ing Galuh yaiku Sang Wretikandayun.
Asal-Usul Galuh
Ing tlatah Nuswantara, wiwitane Kerajaan Tarumanega kuwi dikaitake karo Karajaan Galuh amarga Kerajaan Tarumanegara duweni bawahan-bawahan kerajaan cilik ing sekitare. Kerajaan Galuh kuwi turunane Kerajaan Kendan ana ngisore Kerajaan Tarumanegara.
Jeneng Raja Kendan kaping telu yaiku Sang Kandiawan lan duweni gelar Rajaresi Dewaraja duweni anak lima yaikiu:
Anak barep dijenengke Mangukuhan.
Anak keloro Karungkalah.
Anak ketelu Katung Masalah.
Anak kepapat Sandanggreba.
Lan anak kelima Wretikandayun.
Saka kelima anak Raja Kendan kuwi, Sih Bungsu kuwi sing paling disenengi bapake, amarga Wretikandayun duweni sifat luwih apik tinimbang kakang-kakangane lan duweni wateg sing ora mentingake masalah donya.
Merga kuwi dheweke didhapuk dadi penggantine Sang Kandiawan amarga Sang Kandiawan mutusake mudhun saka tahta sakwise jabat 15 taun lan milih dadi pertapa ing Layuwatang (Kuningan Jawa Barat).
Ananging, pengangkatan Wretikandayun dadi raja malah dadi gonjang-ganjing ing kalangan Kerajaan Kendan, amarga biasane anak sulung utawa anak nomer loro sing duweni hak ganteni bapake.
Pergunjingan kuwi mau tetep ora ngruntuhake niat Sang Kandiawan lan tetep milih anak bungsune sing wis usiane ngidak 21 taun dadi raja.
Akhire Sang Wretikandayun mutusake mahardhika (bebasake diri) saka Kerajaan Sunda lan sak banjure Sang Maharaja Tarusbawa mutusake bubarake Kerajaan Tarumanegara ing tahun 670 M lan bagi rong wilayahe yaiku Kerajaan Galuh ing bagian wetan lan kerajaan Sunda ing wilayah bagian kulon petilasan wilayah Tarumanegara.
Penobatan Wretikandayun kuwi dilaksanakake nalika wulan dadari. Sak wise penobatan, esuke Wretikandayun jupuk keputusan awal sing ngrubah sejarah Kerajaan Kendan yaiku mindhahake pusat pemerintahan sakdurunge ing Kendang menyang lokasi anyar sing diapit Kali Cimuntur lan Kali Citanduy sing dijenengake Kerajaan Galuh.
Wretikandayun dhewe memerintah Kerajaan Galuh termasuk suwe nganti 90 tahun lawase, yaiku wiwit taun 612 M – 702 M.
Wretikandayun kawin karo putri Resi Makandria, Nay Manawati atau Dewi Candraresmi lan duweni anak telu, yaiku Sempakwaja, Wanayasa (Jantaka), dan Mandiminyak (Amara).
Padha karo dheweke, sing anak bungsune saka lima seduluran, lan dipilih dadi raja, Sang Wretikandayun uga milih anak bungsune dadi penggantine. Amarga Sempakwaja anak barepe lan Jantaka anak sing nomer loro duweni kekurangan fisik.
Akhire Sempakwaja sing untune ompong dadi pendheta ing Galunggung sing duweni gelar Batara Dangiang Guru. Sakbanjure adhine, Wanayasa utawa Rahyang Kidul dadi pendhita ing Denuh amarga duweni lara usus tedhun.
Kerajaan galuh di perintah 7 taun marang Mandiminyak saka 702 – 709 M sing bojone Dewi Parwati saka Kerajaan Keling (Kalingga).
Sayange, Mandiminyak lan Nay Pwahaci Rababu, bojone Sempakjiwa duwe selingkuan.
Saka Dewi Parwati, Mandiminyak duwe anak wadon yaiku Sannaha lan saka Pwahaci Rababu duwe anak sing dijenengake Sena (Bratasenawa).
Keloro anak Sang Mandiminyak banjur dikawinke sanajan tunggal bapak lan saka kawine Sannaha lan Sena duweni anak siji yaiku Sanjaya sing kecatet ana Prasasti Stirengga utawa Prasasti Canggal (732M).
Kudheta Kapisan
Raja Galuh ke telu, Sena (709- 716 M), kanthi gelar Sang Prabu Bratasena Rajaputra Linggabumi sing kekancan karo Tarusbawa raja Kerajaan Sunda sing memerintah 54 tahun suwene (669-723).
Mangkane kuwi, Sanjaya (anak Raja Sena) dikawinke karo putu Tarusbawa sing jenenge Dewi Tejakancana Hayu Purnawangi utawa Nyai Sekar Kencana.
Sunda Sembawa kuwi mau ora diparingi umur dawa. Sunda Sembawa Mati ing umur isih enom, mula putune sing jenenge Dewi Kencana dadi ahli waris kerajaan. Nanging amarga dheweke kuwi wong wadon, akhire dikawinke karo Sanjaya lan bojone kuwi sing dadi Raja Sunda lan uga Galuh sing memerintah 9 tahun suwene (723-732 M).
Ora terima Sanjaya dadi Ratu, Purbasora, anake Sempakjiwa lan putune Wretikandayun ngrencanakake gulingake pak like nalika kuwi tahun 716 M. Miturute dhweke luwih duweni hak tahta Galuh amarga bapake anak nomer siji Wretikandayun sing ora diangkat dadi ratu amarga diarani kurang pas dadi pemimpin amargo fisike kurang, padha hal sak tenane Seba lan Purbasora kuwi tunggal ibu yaiku Pwahaci.
Rumangsa oleh bantuan saka pasukan Kerajaan Indraprahasta, Purbasora nglancarake kudeta ngrebut Kerajaan Galuh.
Sena sukses kabur ing sekitar Gunung Merapi sing termasuk tlatah Kalingga, kerajaan simbahe bojone, Maharani Sima.
Akhire Purbasora dadi penguasa Kerajaan Galuh saka tahun 716 M nganti 723 M lan duwe permaisuri sing jenenge Dewi Citra Kirana Putri Raja Indraprahasta Sang Resi Padma Hariwangsa.
Ora trima, anak Sena yaiku Sanjaya utawa Rakeyan Jamri duweni tekad balas dendham marang keluarga Purbasora. Sakbanjure dheweke jaluk pitulungan Tarusbawa, kancane bapake sing uga simbahe bojone.
Sakdurunge penyerangan dilakoni, Sanjaya wus nyiapake pasukan khusus sing dipimpin langsung ana wilayah Gunung Shawal sing oleh bantuan Rabuyut Shawal.
Patih Anggada Mimpin Pasukan Sunda kanthi dadakan ing wayah bengi, sing nyebabake kabeh keluwarga Purbasora mati. Mung Bimaraksa (putne Wretikandayun saka anak keloro Resi Guru Jantaka) sing dadi Patih Kerajaan Galuh sing isa slamet.
Sanjaya nekani Sempakwaja ing Galunggung lan jaluk supaya paklike nobatke Demunawan anak keloro dadi Raja Galuh.
Ananging Sempakwaja wegah nobatake Demunawan amarga duwe prasangka Sanjaya apus-apus kanggo ngilangake Demunawan.
Amarga Sanjaya ora iso ngerteni anane Ki Balangantrang lan Tahta Kerajaan galuh sing kosong Sanjaya kapeksa ngangkat dheweke dadi Raja Galuh lan uga Raja Sunda. Nanging welase, Sanjaya dhewe nyadhari merga tekane ing Kerajaan Galuh kurang disenengi amarga wong Pakuan (Sunda), akhire nobatake Premana Dikusuma utawa Bagawat Sajalajaya, putune Purbasora dadi Raja Galuh.
Premana dhaup putune Ki Balangantrang, Naganingrum dadi bojone lan dikaruniai anak sing dijenengake Manarah utawa Surotama. Pasangan kuwi mau cocok kanggo makili keturunan Sempakwaja anak kepisan Wretikandayun jantaka sing anak keloro.
Kerpe ben gampang ngawat-awati Kerajaan Galuh, Sanjaya banjur jodhohake Surotama karo Dewi Pangreyep, anake Anggada, Patih Kerajaan Sunda, lan masrahake Tamperan dadi Patihe Galuh.
Sak tenane, Premana rumangsa kepeksa dadi raja Galuh amarga Sanjaya kuwi terkenal apik atine ananging ora duwe welas karo musuh-musuhe lan Sanjaya kuwi sing mateni simbahe.
Amarga kuwi, Premana mutusake kabur lan ninggalake bojone, banjut bali dadi pertapa ing betese Sunda sisih wetan kali Citarum.
Ora adoh saka buyute Mandiminyak, Putu Temperan uga duweni selingkuhan karo Pengrenyep (19 tahun), bojone Premana. Hasile hubungan mau duweni anak lanang sing dijenengake Kamaras utawa Aria bangga (723 M).
Ngerine, kanggo ngumpetake hubungan selingkuhane, Tamperan ngongkon uwong mateni Premana. Nanging, kejahatan Tamperan kuwi mau kekambus Ki Balangantrang.
Ing taun 732 M, Sanjaya kudu dadi raja Kerajaan Medang Kamulan (Bhumi Mataram) saka ibune, Sannaha.
Nalika ninggalake Pakuan, dheweke gawe keputusan marang Tamperan lan Resi Guru Demunawan, yen Tamperan duweni hak ing Sunda lan Galuh, minangka Resiguru Demunawan, anak bungsu Sempakwaja duweni hak wilayah Saunggalah (Kuningan) lan Galunggung.
Keturunan Manarah lan Banga Penguasa Sunda lan Galuh
Tamperan dadi Raja Sunda-Galuh lawase 16 tahun yaiku saka tahun 732-739 M. Sakwetara kuwi, Ki Balangantrang bareng Manarah (Ciung Wanara) putune, lagi nyiapake ngrebutake tahta Galuh.
Banga lan penggedhe Galuh nekani acara adu pitik sing dadi panggonan rebutan Manarah. Manarah kuwi mau nyamar dadi tukang adon pitik lan simbae Ki Balangantrang, tugas nyerang Kraton Galuh karo pasukan Geger Sunten.
Penyerang kuwi mau berhasil mojokake Galuh. Tamperan, Pangrenyep lan Banga kasil ditawan. Ananging amarga Bangga diyakini ora duwe salah akhire dibebasake lan wengine dheweke bebasake wong tuwane.
Tumindake Banga mau diweruhi Manarah lan akhire dadi peperangan. Banga kalah saka peperangan kuwi, uga wong tuwane sing tewas dipateni karo panah pasukan Manarah.
Ngerteni anake kuwi mau dipateni, Sanjaya gawa pasukan luwih gedhe nyerang ibu kota Galuh. Sewalike, Manarah uga wis nyiapake pasukan Indraprahasta (Kerajaan Wanagiri) lan raja-raja dhaereh Kuningan sing akhire perang keturunan beldhos.
Perang kuwi mau akhire iso dienhekake marang Rajaresi Demunawan (93 taun) lan dienekake perundhingan ing tahun 739 M kanthi ngasilake keputusan Sunda diserahake marang Banga lan Manarah tetep ana ing Galuh.
Manarah oleh jejuluk Prabu Jayaprakosa Mandaleswara Salakabuana ngawini Kancana Wangi lan Banga jejuluk Prabu Kerta Bhuwana Yasawiguna Hajimulya, jejodhoan karo adike Kancanawangi, Kancanasari.
Manarah dadi Raja Galuh nganti 783 M lan mutusake leren dadi raja ganti dadi pertapa nganti patine umut 80 tahun pada 798 M.
Banga memerintah taun 739-766 M lan tau bangun parit ing Pakuan sing katulis ana salah sijine naskah abad ke-13 utawa ke-14.
Ana ing pirang-pirang naskah posisine Manarah lan Banga, kerep ora padha lan agawe sebagian uwong dhebatake masalah kuwi.
Antarane Galuh, Saunggalah, lan Pakuan-Sunda.
Prabu Darmaraksa (891-895 M) gugur dipidaya menterine sing fanatik asal Sunda, amarga tekane wong Galuh dadi Raja kuwi mau urung diakoni. Nalika kedadeyan kuwi, pusat pemerintahan kerep pindhah-pindhah gumantung saka rajane sing kuwasa antarane (895-1482 M)
