JAKARTA,- Kasus matine Vina-Eky Cirebon saya suwe saya rame. Malah sakiki pihak tersangka lan uga terlapor padha-padha lapor dhewe-dhewe. Kaya sakiki, Dede lan Dedy Mulyadi dilaporke ning Polda Metro Jaya marang Aep lantaran dinuga nyebarake pawarta apus-apus..
Malah laporan kuwi dibenerke marang Ketua Umum Pusat Bantuan Hukum Perkumpulan Penasihat Dan Konsultan Hukum Indonesia (PBH Perhakhi) Pitra Romadoni Nasution sebagaimana terdaftar LP/B/4352/VII/SPKT/POLDA METRO JAYA.
“Aep wus gawe laporan polisi babagan kasus nyebarake berita palsu saengga status Aep sakiki wus munggah dadu pelapor (korban hoaks),” jare Patria Romadoni Nasution saka keterangane, Selasa (30/7/24).
Miturute Pitra, dakwaan saka Dede lan Dedi Mulyadi utawa sing akrab disebut Kang Dedi kuwi marang kasus pembunuhan Vina Cirebon wus agawe Ae plan keluwargane diwedeni masyarakat.
Dede uga Kang Dedi Mulyadi dilaporke pasal 28 Ayat 3 Juncto Pasal 45 A ayat 3 UU No. 1 Tahun 2024 kaya sing diklaim Aep minangka asil saka tembung kasebut.
Sakdurunge, Dede sing ujug-ujug jedhul ngetokke pesen saka Inspektur Rudiana, bapake Eky, sing krasa kapeksa melu sekenarione Rudiana lan Aep.
Dheweke dijaluk dadi saksi sing nonton sekelompok uwong balangi watu lan ngoyak Vina karo Eky sambi gawa pring.
Ora mung kuwi, malah ana kejanggalan liyane kayata rekayasa BAP. Dede ngaku sadurunge BAP ora tau disumpah lan nglakoni pemeriksaan naliko wengi sekitar jam 20.00 WIB.
Ananging saka berkas BAP kasebut dheweke nglakono pemeriksaan jam 09.30 WIB. Banjur ana 2016 Dede ngakoni ora tau nglakoni BAP saka Polda Jabar. Ananging ana ing berkas BAP saka Polda Jabar tertanggal 23 November 2016 lengkap karo tandha tangan Dede.
“Kuwi dudu tanda tanganku (BAP Polda), beda tandha tangan (saka BAP Cirebon). Ing Polda uga ora tau, kecuali waktu pas kasuse Pegi wingi kuwi lagi pisanan menyang Polda,” uacape Dede nalika ditontonke berkas BAP Polda Jabar, disadhur saka rilis Dedi Mulyadi, Senin (27/7/24).
Kabeh pernyataan Dede kuwi wingi digawekke akta pengukuhan ning ngarepe notaris Erik Agustina. Dede gawe pernyataan kanthi sadar ora ana peksonan saka liyane dikancani marang Dedi Mulyadi lan uga tim pengacara Peradi.
“Amarga ana etikad apik saka Dede, ning perlu akta pengakuan, kita butuh notaris ben pengakuan kuwi otentik,” tutur pengacara Peradi Jutek Bongso.
Ora mung kuwi, Dedi Mulyadi lan Dede uga disomasi marang kuasa hukume Iptu Rudiana, Prof. Dr. Hj. Elza Syarief, S.H., M.H. kanthi dakwaan dadi dedektif dadakan sahingga kudu jaluk ngapura marang Iptu Rudiana kanthi wektu 3 x 24 jam. Malah dheweke uga didakwa nglanggar UU ITE amarga wus ditayangka ana ing Chanel Youtube.
Amerga polemik kuwi mau, miturut pengacara Dede malah saktemene kebeneran amargo Aep iso gawe padhang kasus rajapati Vina Eky Cirebon, amarga ana ing laporan kuwi, Aep mengko arep diperiksa minangka pelapor kanthi bantah pitudhuh sing sakiki tenar.
“Ngene, kita duwe analisa ya. Saka analisa kita apa sing disebut pelanggaran ning kana, justru kita takonana ngendi pelanggarane yen uwong arep ngungkapake pelanggaran,” ucap Asido.
“Ning endi pelanggatan Dede yen dheweke rumangsa salah, kuwi omongane dheweke. Dheweke kuwi rumangsa salah, rumangsa dosa, uripe ora tenang, isih isa ya omah-omah duwe anak, sawetara terpidana ing jero seumur uripe,” tambah Asido.
Ing wusana padha, kuasa hukum enem kasus rajapati Vina lan Eky, Jutek Bongso wegah mumet marang laporan sing dilayangke Aep marang Dede lan Dedi Mulyadi.
“Aep iki miturut kami sakiki ora didukung marang saksai saksi liyane,” kata Jutek.
Dheweke ngrasa keterangan Aep sakiki wis ora kuat . Apik Dede utawa Liga Akbar sing ngakoni dhisik ana ing TKP lan ndelok kedadean wis nyabut keterangane.
“Kita buktekake wae endi keterangan sek bener, sapa cerita sing bener,” ucap Jutek ngakhiri omongane.
