KULONPROGO,- Sumber Daya Alam (SDA) kasunyatane dudu sumber daya sing paling linuwih, ananging sing paling utama kuwi Sumber Daya Manusia (SDM) sing isa ngelola kanthi becik.
Pratelan kuwi diomongke Kepala Badan Kependudukan dan Keluarga Berencana Nasional(BKKBN) RI, Dr (HC) dr Hasto Wardoyo SpOG(K) nalika ing puncak pengetan Harganas 2024 ing Kompleks Panggonan Wisata Wadhuk Sermo, Kapanewon Kokap, Kabupaten Kulonprogo, DIY, Minggu (21/7/24).
“Bandha sing paling larang kuwi keluarga lan kraton sing paling endah kuwi keluarga. Ananging sumber daya sing paling larang dudu SDA ananging SDM. Mula ana ing dina pengetan Hari Keluarga Nasional (Harganas) ke-31 taun 2024 kita ngusung tema ‘Keluarga Berkualitas Menuju Indonesia Emas.’Sadurunge teka Indonesia Emas mula kita kudu bangkitake generasi enom kita bener-bener kaget,” ujar dr Hasto.
Pengetan sing ditekani Wakil Gubernur DIY KGPAA Paku Alam X, Pj. Bupati Kulonprogo Srie Nurkyatsiwi, Ketua DPRD setempat Akhid Nuryati, unsur Forkompimda uga diwernani penyerahan hadiah pemenang lomba Peringatan Harganas ke-31 taun 2024 tingkat DIY.
Hasto ngarep-arep sakabehing keluarga ana DIY dadi Keluarga Tembaga (Tentram, Mandiri lan Bahagia).Diungkapke, BKKBN nyusun indeks pembangunan keluarga kawit taun wingi lan uga disahke dadi ukuran kebahagiaan, ketentreman sak keluarga lan masyarakat dadi telu dimensi yaiku Tembaga.
“Angka Tembaga kita ukur ing wilayah Indonesia lan secara Nasional indeks ketentreman kita nilaine 59,79, indeks kemandirian 52,49. Sing paling nyenengake, indeks kebahagiaan 71,86. Makane, sanajan kita isih mlarat ananging bahagia. Urung nganti mandhiri nanging bahagia. Kahanan kuwi isa kita sikapi bebarengan kanggo ngunggahake Indeks Pembangunan Keluarga(iBangga) kemandirian UMKM lan Koperasi sing paling penting,” cethane.
Khusus ana DIY, iBangga manggoni urutan ke lima sak Indonesia. Sing nomer urut siji Aceh disusul Bali, Riau lan Kalimantan Timur. DIY dhewe oleh total indeks jumlahe 64.02 adoh sak dhuwure rata-rata Nasional sing oleh 61. “iBangga saben kabupaten/kota ing DIY, Kutha DIY secara komulatif paling dhuwur yaiku 65,01, sakteruse Kabupaten Sleman 64,89, Bantul 64,35, Kulonprogo 63,28 lan terakhir Kabupaten Gunungkidul 62,68,” kandhane sinambi ngajak nasyarakat nyiptakake Keluarga Tembaga.
Sawetara kuwi, Gubernur DIY Sri Sultan Hamengku Buwana (HB) X ing wicarane sing diwacakake Wakil Gubernur DIY, KGPAA Paku Alam X ngomongake, tema pengetan Harganas 2024 ‘Keluarga Berkualitas Menuju Indonesia Emas’, isa dimaknai minangka dadi Keluarga sing isa mampu mujudke lingkungan sing ndhukung perkembangan fisik emosional sosial lan kebatinan anggotane kanthi seimbang.
